ບໍລິສັດ ມະຫາເສນາ ເກີດຈາກຜູ້ປະກອບການແມ່ນຊ່ວຍຄອບຄົວປະກອບທຸລະກິດກໍ່ສ້າງຂົວທາງ ແລະ ອະສັງຫາຢູ່ແລ້ວ, ຫຼັງຈາກນັ້ນແມ່ນໄດ້ຮຽນ ແລະ ຈົບການສຶກສາ ສາຂາ ບໍລິຫານ ທຸລະກິດ ຢູ່ປະເທດສິງກະໂປ ແລະ ສະຫະລັດ ອາເມລິກາ ຈຶ່ງແມ່ນມີແນວຄິດຢາກສ້າງທຸລະກິດເປັນຂອງຕົນເອງ ຊຶ່ງທຸລະກິດທີ່ຕ້ອງການສ້າງແມ່ນທຸລະກິດກ່ຽວກັບອາຫານທີ່ໄດ້ຄຸນນະພາບເພື່ອສະໜອງພາຍໃນ ແລະ ຕ່າງປະເທດ, ຫຼັງຈາກຈົບການສຶກສາ ຈຶ່ງໄດ້ພົບກັບນັກທຸລະກິດ ປະເທດໄທ ເຊິ່ງເພິ່ນຈຶ່ງແນະນຳໃຫ້ເຮັດໂຮງງານຜະລິດນໍ້າໝາກໃມ້ ດ້ວຍຄວາມທີ່ປະເທດລາວ ອຸດົມສົມບູນໄປດ້ວຍຊັບພະຍາກອນ, ສະພາບອາກາດທີ່ດີ ແລະ ປະເທດລາວຍັງມີຄົນຫວ່າງງານຫລາຍ, ຕົ້ນທຶນແຮງງານທີ່ຕ່ຳ. ດັ່ງນັ້ນຈຶ່ງຕັດສິນໃຈລົງໄປສຶກສາໂຮງງານຜະລິດນໍ້າໝາກໜອດຢູ່ ປະເທດໄທ ແລະ ທາງປະເທດໄທກໍ່ເກັບຊື້ໝາກໜອດຈາກປະເທດລາວເຮົາ ແລະ ສະໜອງໃຫ້ແຮງງານໃຫ້. ຫຼັງຈາກນັ້ນຜູ້ປະກອບການຈຶ່ງໃດ້ ດຳເນີນການສ້າງຕັ້ງໂຮງງານປຸງແຕ່ງນໍ້າໝາກໃມ້ຂຶ້ນ ແລະ ຫຼັງຈາກນັ້ນກໍ່ໃດ້ມີນັກທຸລະກິດຈາກ ປະເທດຈີນເຂົ້າມາຮ່ວມເຊັນສັນຍາຊື້ນໍ້າໝາກໜອດ ແລະ ເປັນທີ່ສົນໃຈແກ່ກັບນັກທຸລະກິດຈາກຫຼາຍໆປະເທດ. ຜູ້ປະກອບການຈຶ່ງໃດ້ມີການສ້າງໂຮງງານຂຶ້ນສຳເລັດໃນປີ 2022 ແລະ ຂະຫຍາຍເພີ່ມໃນປີ 2023, ຂະຫຍາຍເຮັດພື້ນທີ່ສວນປູກໝາກໜອດເປັນຂອງຕົນເອງ ແລະ ເກັບຊື້ໝາກໜອດທົ່ວປະເທດ ແລະ ຂະຫຍາຍໂຮງງານເພື່ອຜະລິດນຳ້ໝາກນາວແຊ່ແຂງນຳອີກ. ເຊິ່ງໃນອານຄົດ ຜູ້ປະກອບການ ຍັງວາງແຜນທີ່ຈະຜະລິດນໍ້າໝາກໃມ້ ແລະ ໝາກໃມ້ແຊ່ແຂງຊະນິດອື່ນໆ ເພື່ອສົ່ງອອກຕ່າງປະເທດເຊິ່ງຈະສາມາດສ້າງລາຍຮັບໃຫ້ແກ່ປະເທດຊາດ ແລະ ປະຊາຊົນ ລາວຍິ່ງຂຶ້ນຕື່ມ.